გამოყენების სფეროებს მიეკუთვნება: სურდო, მათ შორის, ქრონიკული ფორმები, ცხვირის ღრუს შესასვლელში და ნესტოების შიდა ზედაპირზე ქერქების წარმოქმნის ტენდენცია და ცხვირის ლორწოვანი გარსების სიმშრალე.
ველედა ცხვირის ზეთოვანი წვეთები არ უნდა გამოიყენოთ:
- გვირილასა და სხვა რთულყვავილოვანთა, ბეგქონდარას ან სხვა ტუჩოსანთა მიმართ, აგრეთვე არყის ხის, მამულას, ნიახურისა და სეზამის ზეთის მიმართ ზემგრძნობელობის შემთხვევაში;
- თუ თქვენ ზემგრძნობელობა (ალერგია) გაქვთ ქაფურის, ევკალიპტის ზეთის, ბაღის პიტნის ზეთის ან სხვა რომელიმე ინგრედიენტის მიმართ;
- ბრონქული ასთმის ან სასუნთქი გზების სხვა დაავადებების შემთხვევაში, რომლებიც სასუნთქი გზების გამოხატული ზემგრძნობელობით მიმდინარეობს;
- ცხვირის ლორწოვანი გარსის დაზიანების შემთხვევაში;
- ჩვილებში და ორ წლამდე ასაკის ბავშვებში (ხორხის სპაზმის საშიშროება).
2-დან 5 წლამდე ასაკის ბავშვებში ველედას ცხვირის ზეთოვანი წვეთები უნდა გამოიყენოთ მხოლოდ ნესტოებთან და არა ცხვირის ღრუში.
დოზირება:
ჩაიწვეთეთ დღეში 2-4-ჯერ 1-2 წვეთი ცხვირის ზეთოვანი წვეთები თითოეულ ნესტოში. 2-დან 5 წლამდე ასაკის ბავშვებში რამდენიმე წვეთი ბამბის ტამპონზე დააწვეთეთ და ნესტოს შესასვლელთან წაუსვით.
მწვავე დაავადების მკურნალობა ორ კვირაში უნდა დასრულდეს. თუ 2-5 დღის განმავლობაში მდგომარეობა არ გაუმჯობესდა, ექიმს უნდა მიმართოთ.
ძალიან იშვიათად შეიძლება ზემგრძნობელობის რეაქციები გამოვლინდეს, მაგალითად, როგორიცაა: ქოშინი, კანზე გამონაყარი, ჭინჭრის ციება, შეშუპება სახის, პირის ღრუს და/ან ხორხის არეში.
შენახვის ტემპერატურა არ უნდა აღემატებოდეს 30 ºC-ს.
შემადგენლობა:
10 გ (= 10,8 მლ) შეიცავს: აქტიური სუბსტანციები: გულყვითელას ჯამის ფურცლებიანი ყვავილის ზეთი H 10% 500 მგ / D-ქაფური 0,42 მგ / ევკალიპტის ეთერზეთი 14,58 მგ / წითელი ვერცხლისწყლის სულფიდის ხსნარი D5 1000 მგ / გვირილას ყვავილის ზეთი H 10% 1000 მგ / ბაღის პიტნის ეთერზეთი 14,58 მგ / ბეგქონდარას ეთერზეთი 0,42 მგ. / რაფინირებული სეზამის ზეთი.
